|
YOUNG MIZO ASSOCIATION KOLASIB GROUP : MIZORAM
PRESS RELEASE
No: GYMA(K)-2006/1 Date : 25th Nov. 2006
Kolasib Group YMA chuan Central YMA a Sub- Headquarters kan dil chung changah Special Group Conference tum hnih (2) leh Special Committee vawi khat (1) kovin, heng a Resolution kan passed angin, "Central YMA in Sub-Hqrs. kan dilna hi min remtihsak lo anih chuan CYMA kan zawmna tihtawp ni rawh se", ti a thu tlukna a lo siam tawh angin Group Executive Committee chuan he thu tlukna hi nemnghetin Ni 25.11. 2006 atang hian Kolasib Group YMA chuan Central YMA kan zawmna chu kan ti tawp ta a ni.
Sub- Headquarters kan dil chung chang leh thildang, hetiang a thu kan tih tlukna chhan thenkhat te :-
1) Kum 2005 Kolasib Group YMA Conference in a passed angin Central YMA a Sub-Hqrs. kan dilna chu Central Co-ordination Committee (CCC) chuan Central Executive Committee (CEC) rel turin a dah a, CEC hian Ni 9.10.2006 thlengin a rel thu kan hre lo.
2) Sub-Hqrs. kan dilna chu a hlawhtlinna kan hmuh tak loh avangin kum 2006 a Dan Bu enthatna hun hawn chhungah District YMA din theih dan kawng zawngin Dan Bu a telh turin rawtna Group YMA chuan Central YMA ah a thlen ta a, CCC ah ngaihtuah theih loh turin CEC chuan he rawtna hi a lo hnawl ta mai a; hetiang a lo nih tak avang hian Dan Bu huang chhungah Dan Bu in min phalsak angin Sub-Hqrs. kan duhna chu Central YMA ah kan thlen leh ta a ni.
3) Ram leh khua lo thang zelah YMA in hma a sawn zel theihna tur te, Sorkar leh NGO te thawhhona chung changah te, Mizoram hmar lam hian Sub-Hqrs. kan mamawhna a lian in kan phu ve tawh hlein kan hria a ni.
4) Dan Bu a kan hmuh angin General Conference aiawh a Committee sang, Group YMA aiawh member pahnih (2) theuh tel ve theihna Committee chu Central Co-Ordination Committee (CCC) a ni a. Central Executive Committee (CEC) chu General Conference leh CCC thurel bawhzui tu tur, Dan Bu ah Aizawl Khawpui chhung atanga ruat tur a nih thu lang chuang si lova vawiin ni thlenga Aizawl khawpui chhung bik chauh telna Committee a ni. Dan Bu ennawn na tura Group hrang hrang atanga rawtna lut khawm te CEC in CCC ah chhawp chhuak lova a lo hnawl ngawt hi kan hrethiam lo hle ani.
5) Dan Bu chhunga awm Sub-Hqrs. kan mamawh kan dil min pe lova, Dan Bu a awm lo District YMA min pek an tum hi a mak kan ti a, Kum 2006 YMA General Conference in Dan Bu ennawn in a siam tha zo chauh a, Dan Bu a awm lo District YMA siam tura ruahmanna lo awm ta mai hi Dan Bu palzutna niin kan hria.
Kolasib Group YMA ten hetianga thutlukna kan siam ta mai hi YMA tih hminghliauna leh rampuma kan thawhhona atanga in lakhran kan duh hrim hrim vang ni lovin, kan chanvo kan neih ve theih ngei tur kan duhna avanga thutlukna siam ta kan ni tih Zoram Mipui ten min hriatsak kan duh a. YMA kalphung a that zawkna tur te, Zoram hmasawnna tur leh Mizo tlawmngaihna chawi nung zel turin theih tawp kan chhuah zel ang.
Sd/- LALVUANA NGENTE ( H.T. RILA ) President Secretary | ||