Charge in hlan

Kolasib Congress Block hruaitu hlui leh thlanthar te chuan nimin tlai khan President Pu Lalchanhlua (Tawia) te in Dikkawn ah charge an in hlan fel.

Zualko - Laltlanmawia - Vengthar

Laltlanmawia - Vengthar , Kum 38 chu tukin zing dar 7:30 khan an chenna inah lungphu chawl in a thi . Vawiin dar 1:00 ah vui a ni ang. Hria kan tam lo maithei a Diakkawn Field atanga Vengthar ICAR lam panna kawnga awm an ni.

MPTA hruaitu thar te

Nimin khan Mizoram Primary Teachers' Association (MPTA), KOlasib District Hqrs chuan kum 2012-2014 chhunga an pawl hruati atan heng mite hi an thlang. President - Pu Ralthansanga, Vice President - Pu Darrobuanga, Asst. Secretary - Pu R. Lalbiakmawia, Secretary i/c Statistics - Pu Jerome Lalzawma, Treasurer - Pi Lalliandawli leh Fin. Secretary -  Pi K. Lalhluni an ni a . Kolasib MJA te chuan inthlan hi a hmanpui ani.

Tennis Tourney tan dawn

Vawiin atang hian Kolasib Open Tennis Championship chu Tennis court , Project Veng Kolasib ah khelh tan ani dawn ta, he Championship ah hian Men's Single ah 1st Prize Rs. 6000/- niin 2nd Prize Rs. 3000/- ani ang.

COPTA zawm lo Chawitir

Nimin khan Kolasib-ah Anti tobacco Squad te office hrang hrang fang kualin COPTA dan hman mek an zawm that leh that loh an endik a. Nl. Mary Lalthansangi Sailo, Coordinator, Mizoram State Tobacco Control Society hovin member engemaw zat kalkualte chuan Dan bawhchhia mi panga  tangka an chawitir a, An pawisa chawi tling khawm hi Rs. 700 a ni.

In kang

Upa . V.L Rawna in Pu Chhuanmawia luahlai Venglai, Biakin bul ami chu voiin chhun dar 1 leh 1:30 inkar vel khan engmah bungrua chuh hman lovin akang ral vek. Thi leh hliam erawh an awm lo ni a thudawn ani.